منتديات عالم الخيال

بسم الله الرحمن الرحيم

كل المشكله انى مش عارفه عايزه اكون ايه فى المستقبل

من اهم الحجات

1) مش عارفه ادخل كليه ايه

2)مش عارفه احب مين واكره مين معادا واحد بس

3)ازاكر ازاى ومنين ابدأ
هى دى مشكلتى وساعدونى فى الحل

من رأي أنا

1- بالنسبة للكلية ذاكري كويس وجيبي مجموع عالي عشان تختاري الكلية إللي إنتي عايزاها
ولو مش عارفه تدخلي كلية إيه إستخيري وربنا مش هيضيعك.

2- هديكي طريقة تخلي كل الناس يحبوكي : عاملي الناس باللي تحبيهم يعاملوكي به
وبعدين إللي هيعاملك زي ماإنتي عاملتيه يبقى بيحبك وده إللي تحبيه /
وإللي يعاملك باللي بتكرهيه يبقى ده بيكرهك وده إللي تكرهيه .

3- بالنسبة للمذاكرة راجعي هذه الوصلة
((http://www.shababwebas.com/consult.php?Type2ID=10&begin=0&Type1ID=5))

وأرجو أن يكون كلامي صحيح

وتقبلي مروري

_________________
الــــــصـــــعـــــيـــــدي
(( الدنيا ساعة فاجعلها في طاعة )).

لا كلامك صح ميه ميه وربنا يوفقنا ان شاء الله ونختار كليه حلووة يارب
اللينك لسه هفتحه اهوة
شكرا على الموضوع
_________________
b]انا راجعلك يارب راجعلك انا راجعلك بقلبى راجعلك انا راجعلك يارب
انا خايف من العذاب منك يوم الحساب من ذنب حسبته هين من قلب مهوش حنين
من زحمه يوم طوييل والشمس فى بعد ميل والناس فى ذنوبها غارقه مش لاقيالها دليل
انا خايف لما اتوب يعلى صوت الذنوب والاقانى وأنا بموت مش لاقى لتوبتى صووت وابكى ولا دمعه تشفع وابقى معرفتش ارجع
خايف من كل قلبى
خايف يهزمنى ذنبى خايف مختمش عمرى بنهايه ترضى ربى

بوركت يا سمسمه

وإنتظرو مني المزيد

_________________
الــــــصـــــعـــــيـــــدي
(( الدنيا ساعة فاجعلها في طاعة )).

انا فتحت اللينك وجميل اوى وربنا يعينك يا سميه

انا من رايي ان الكليه اللي تحسي انك مرتاحه ليها ادخليها بس احب اقلك متسبقيش الاحداث

بالنسبه للمحبه والكره انتي مش ملزمه انك تحبي ومش ملزمه انك تكرهي بس اللي يعاديكي اكرهيه واللي في صفك حبيه
بالنسبه للمزاكره اعملي اللي تقدري عليه وربنا انشاء الله هيوفقك ومش هيخيب املك فيه
بس كمان مش تدعي ربنا وتروحي الاختبار وانتي مش فاتحه الكتاب لا انت تعملي اللي عليكي وتزاكري وتدعي ربنا
يا رب اكون افادتك ورايي عجبك

اه كمان عاوزه اقول حاجه لازم تكوني واثقه في نفسك اكتر وتكوني حاطه لنفسك هدف توصليله

وربنا يوفقك عالله اكون ريحتك

كلامكم كله كويس واحب اضيف
لازم تكونى واثقه من نفسك واثقه من الى بتحبيه
_________________

سبقتك يا حلو هههههههههههههههههههه

ماشى يا لذيذ يا رايق
_________________

بصى يا سميه
انا عارفه ان خلاص الامتحانات كلمة على الابواب دى كلمه كانت المفروض تتقال من زمان
انا عوزاكى تبتدى مذاكره باللى المفروض هتمتحنيه فى الاول او لو لسه بدرى على امتحاناتك شوفى ايه اكتر ماده مضياقى و ابتدى ذاكرى الجزء اللى مضيقك يعنى متذكريش جزء انتى عرفاه و سهل عليكى و قولى انك ان شاء الله هتقدرى تخلصيه و تفهميه و متسبيهوش غير لما تفهميه و لو زهقتى امسكى ماده تانيه معاه

اما بقه للكليه اولا انتى علمى و لا أدبى
ثانيا شوفى مجموعك كاام و الكليات اللى ممكن تقدرى تدخليها ايه و منهم اختارى الكليه اللى ممكن تحسى بإنك تقتدرى تمشى فيها و قبل كل كده صلى صلاة استخاره

اما بقه بالنسبه للناس
انا عوزاكى تحبى كل الناس و متكرهيش حد الا فى الحاجات الجامده اوى و كمان خليكى واثقه من نفسك شويه و متبقيش خايفه من حاجه او قلقانه منها و طبعا شوفى مين اللى بيحبك و اللى بيخاف عليكى من التانى و الوحش و اللى دايما كداب و افهميهم صح قبل ما تحددى شخصيتهم
و يا ستى يا رب اللى انتى بتحبيه يكون هو كمان بيحبك زى ما انتى بتحبيه و يا رب يجمعكم على خير

يا رب يكون كلامى مش مضايقك ة يا رب اكون افدتك
و ربنا يوفقك يا رب و يا ريت تبقى تطمنينا عليكى اول بأول
تقبلى مرورى

لا تعـــــــــــــــــــــــــــــــــــــــــــــــــــــــليق