تعليم التفصيل(للمبتدئين)

كان نفسي من زمان احط موضوع بطريقه عمل الباترون بتاع الخياطه بس للاسف معرفتش الاقي حاجه اوى في النت

عموما انا هكتبلكم الموضوع ده وبعدين ابقى اشوف موضوع للبترون من النت وانقلهلكم

انا هتكلم دلوقتى لو انتى مثلا عندك باترون من مجله اوى كده

اول حاجه المفروض اننا نظبط الاطراف بتاعت القماش

في 3 طرق

اولا لو كان القماش عرضى فهنسله باننا نشد خيط من الخيوك اللى طالعه ولما تشديه هتلاقي عمل خط في القماش فتقصى عليه

ثانيا ان القمش لو كان كاروهات او مقلم امشي بالمقص على الخط

ثالثا بقى ودى الطريقه اللى بتعملها العبده لله انى احاول اقطه كده عشوائي او حتى اعمل خط بقلم الرصاص والمسطره على القماش طبعا ده لان كل ده هيتنى في الاخر ومش هيبان بس اللى احنا بنعمله ده تسهيلا للخياطه بعد كده يعنى

تانى خطوه اننا هنحط الباترون على القماش
هنثنى الاول القماش بالطول(يبقى مجوز يعنى)وهنثبت اطرافه بدبابيس يا اما بدبابيس الخياطه او بدبابيس الطرح العاديه

لحد هنا يتعمل لاى بترون

هنا بقى هبدا اتكلم لو هنعمل جيبه هنحط طبعا الباترون على ظهر القماش ،في الباترون نفسه هتلاقي كذا خط رئيسي وهم:خط الوسط ،خط جنب،خط الذيلواخر حاجه خط النصف سواء للامام او الخلف (يعنى وش وظهر القطعه اللى انتى هتعمليها) المهم هنا بقى في مفترق طرق لو انتى عايزه الظهر يبقى مفتوح ويتحط فيه سوسته او تخيطيه بحيث انه يديله شكل حلو او انه يبقى الظهر مقفول)

لو مقفول يبقى هنحط الباترون ناحيه الحته المثنيه وهنثبته بردو بالدبابيس

ولو مفتوح هنحطه ناحيه الحته المفتوحه من القماش وهنثبته بردو بالدبابيس

اتطريت انى احط الصوره علشان الرؤيه توضح اكتر بس اسفه الكواليتيز بتاعت الصوره مش حلوه اوى

بعد كده هناخد علامات من نوعين الاولى اسمها علامات القص التانيه اسمها علامات الخياطة علامات القص دى اللى هنقص عليها القماش
وبتتاخد بالمسافات التاليه:-
3 سم على خط النصف لو هتعمليه مفتوح
3سم من خط الذيل
2.5سم من خط الوسط

والعلامات دى بتتاخد بالقلم الرصاص او لو عندك حاجه اسمها طباشيره الخياطه دى يا اما تيجي على شكل قلم يا اما على شكل مثلث

اما علامات الخياطة بقى فدى بتتاخد بعد ما نقص بس هنا هنستخدم حاجه خاصه بالخياطه بس وهى اسمها كربون الخياطه بيبقى كربون عادى بس ده علامته بتخرج بعد الغسيل لكن العادى لو اتنططتى جنب الغساله مش هيطلع المهم هنحط قطعتين من الكربون (او ورقه واحده وتقسميها نصين)واحده تحت القماش وواحده بين الباترون والقماش بس بحيث ان وجه الكربون يكون ناحيه القماش (في الكربون اللى تحت القماش واللى بينه وبين البترون)

الخطوه الجايه هنستخدم حاجه اسمها عجله الخياطه دى بصراحه مش عارفه ممكن نستبدلها بايه بس متهيالى ممكن بردو قلم رصاص عجله الخياطه دى بنمررها عند حدود الباترون (في الحته طبعا اللى انتى حاطه فيها الكربون)(واكيد كل شويه هتنقلي الكربون علشان يكون القماش كله متعلم عليه)
ملاحظه :لو هتستعملى العجله لازم تستخدميها في اتجاه واحد يعنى مش رايح جاى

واهم حاجه تتاكدى ان الناحيه التانيه اللى انتى كنتى حاطه فيها الكربون اللى تحت موجود عليها العلامات

بعد كده تشيلي الباترون وتفردى القماش

لو عملتى الخلف مفتوح يبقى تسرجيها

دلوقتى بقى هنبدا في الجد كل اللى فات ده كان تمهيد للخياطه دلوقتى هنجيت القطعه اللى للامام والقطعه اللى للخلف وهنثبتهم هم الاتنين مع بعض بغرزه السراجه(وطبعا بحيث ان وجه القماش يكون متفابل وكله لجوه يعنى ظهر القماش يبقى ناحيتك)

بعد كده تخيطي كل الحتت اللى انتى سرجتيها بالمكنه وياريت بلاش يدوي لانه لو يدي الخياطه هتتفك بسهوله انا مجرباها مش هتقدري تلبسيها اهم حاجه انك تراعى انك تسيبي مسافة من 7-10 سم بدون خياطه

الخطوة الاخيرة بقى هى اننا هنثنى الذيل والوسطبالغرزه بتاعت الثنى اليدويه او لو عايزه بالمكنة

وكده هتكون الجيبه جاهزه اللى فاضل بس انك تعملى اكسسورات فيها

ممكن تعمليلها جيبه

كمر وتعملى حزام

واكيد لازم تركبي فيها زراير او سوسته او كده

او تطرزيها بالخرز

انا عملت الجيبه وطلع شكلها حلو وان شاء الله لو عرفت اى جديد في عالم الخياطه هجبهلكم
_________________

http://www.shbab1.com/2minutes.htm

موضوع جميل جدا يا دودو وبجد افادنى كتير تسلم ايدك يا قمرتى

تقبلى مروى
_________________

وتسلملى ايدك يارب

اهم حاجه انى فيدتك

وجربيها بقى

بجد حلوه
_________________

http://www.shbab1.com/2minutes.htm

حلو اوى الموضوعافادكم الله حلواوى يعنى

ياندى ونفسي اوى الجيبة الى لسة هنعملها تطلع حلوة انتى جبتى كام متر؟

لسه هتعمليها

احنا خلصناها خلاص والابله خدتها علشان تحط الدرجات

بصى يا سمسمتى الابله قالتلنا جيبوا 1ونص او مرتين عرضين

انا جبت 1 ونص ومكفاش فهاتى متردين احسن

_________________

http://www.shbab1.com/2minutes.htm

ماشي ياقلبى امتى بقى الياهو بتاعك يتصلح هو تعادى منى ولا اية؟
_________________

لااله الاالله عدد ماكان وعدد مايكون وعدد الحركات والسكون
سبحان الله وبحمده سبحان الله العظيم

هو انتى كمان بتاعك بايظ؟

على فكره هو عيب من الموقع نفسه لان كتيييييييييير من اللى نعرفهم عندك الياهو مش بيدخل

فيمكن عيب من الموقع هنا

_________________

http://www.shbab1.com/2minutes.htm

لا بتاعى مش بايظ ربنا يعافية
_________________

لااله الاالله عدد ماكان وعدد مايكون وعدد الحركات والسكون
سبحان الله وبحمده سبحان الله العظيم

شكرااا على موضوعك

ميرسي اوى يا احمد وعقبال ما تفص بدلة فرحك بايدك Laughing

_________________

http://www.shbab1.com/2minutes.htm

لااااااااااااا الا فرحي مش عاوز افصل بدله خالص انا هفصل بدله كووووووره

ههههههههههههه

انا نفسي اعرف حضرتك متعقد من الجواز ليه

وعموما خلاص فصل لبس كوره
_________________

http://www.shbab1.com/2minutes.htm